Үздік провизор

Үздік провизор

Фармация саласының маманы үшін алғашқы дәрігерге дейінгі көмек көрсету ережесін білу өте маңызды. Фармацевт тағайындалған дәрілік заттар мен медициналық бағыттағы бұйымдарды топтастыра білуі шарт. Оның фармацевтикалық іс негіздері мен қаржы саласын меңгергені абзал. Әрине, мұндай кәсіп иесіне міндетті түрде: ұқыптылық, зеректік, жинақылық және өзін басқару қабілетінің жоғары болғаны маңызды. Осындай талаптар үдесінен шыққан Күлайша Жалиқызы бүгінде Қазалы теміржол ауруханасының дәріхана меңгерушісі болып қызмет атқарады. Білімін Шымкент қаласындағы фармацевтикалық институтында шыңдаған маман қолданыста бар дәрілік құралдарды жетілдіріп және әзірлеп жүргеніне отыз үш жылдың жүзі болды.

Ол қызмет атқарған жылдарында апатты жағдайда қажетті көмек көрсете алатын білікті қызметкер ретінде өзін көрсете білді және дәріхананы заңнамалыққа сәйкес басқарады. Халықты уақытылы және сапалы дәрі-дәрмекпен қамтамасыз ету мақсатында ұжымды біркісідей ұйымдастырады. Ішкі жұмыстардың кедергісіз жүруі үшін басқа да денсаулық сақтау мекемелерімен тығыз байланыс жасайды. Денсаулық сақтау министрлігінің бұйрығына сәйкес халыққа медициналық көмек көрсету үшін қажетті мөлшерде дәрі-дәрмек түрлерімен қамтамасыз етуде бар күш-жігерін жұмсайды. Дәріхана жұмысына сараптама жүргізе отырып, оның одан да жоғары дәрежеде жұмыс жүргізуі үшін түрлі шаралар қолданады. Оның шаруашылық-қаржылық жұмыстарын жаңа экономикалық тұрғыда қарай отырып, басқару әдістерін қолданады. Халықты дәрі-дәрмекпен қамтамасыз ету барысында орынды жағдайларға жол берілмейді.

Қазалы теміржол ауруханасының бас дәрігері Құбыл Ршымбетовтың айтуынша, дәріхана меңгерушісі Күлайша Қарабала Қазақстан Республикасының денсаулық сақтау және фармацевтикаға байланысты заңы және басқада заңнамалары мен нормативті актілерді жетік меңгерген.

«Қиын жағдайда өзін ұстай алады, ықтимал дауларды болжай және тоқтата біледі. Кез келген уақытта адамды түсіне де, қолдай да алады. Сол себепті бөлім қызметкерлері жұмысқа ынталана келеді. Себебі оларды қадірлеп сыйлай білетін адам бар. Ол қарамағындағы қызметкерлерімен қуана да, қайғыра да алатын керемет жан. Ұжымда беделі жоғары, сауатты маман саналады. Жастарға білгенін үйретуден жалықпайтын ұстаз. Аурухана өміріндегі әртүрлі мәдени жұмыстарға қатысып, белсене араласады», – дейді теміржол ауруханасының басшысы.

Жуырда ҚР ДСМ Қызылорда облысы бойынша фармация комитеті департаменті ұйымдастырған облыстық «Жылдың үздік провизоры – 2018» конкурсы өтті. Мұнда Күлайша Жалиқызы 5 турдан сүрінбей жеңімпаз атанып, Астана қаласында өтетін республикалық «Жылдың үздік провизоры – 2018» конкурсына жолдама алды. Елорда төрінде өзінің мықтылығы арқасында бірінші орынды иемденді. Оған 100000 теңгенің сертификаты мен арнайы диплом табыс етілді. Сондай-ақ, республикалық фармацевтер ассоциациясының президенті М.В.Дурманова грамота мен «Үздік провизор – 2018» статуясын салтанатты түрде тарту етті.

Айнұр ҚАЗМАҒАМБЕТОВА

https://qazaly.kz/kogam/6388-zdk-provizor.html
Кеше, 09:53

ТЕГІН ДӘРІ-ДӘРМЕК ҮШІН “1439” БІРЫҢҒАЙ ҚЫСҚА НӨМІРІ ІСКЕ ҚОСЫЛДЫ

ТЕГІН ДӘРІ-ДӘРМЕК ҮШІН “1439” БІРЫҢҒАЙ ҚЫСҚА НӨМІРІ ІСКЕ ҚОСЫЛДЫАл жаңа жылдан бастап дәрі-дәрмектің емханаларда бар-жоғы туралы ақпарат беретін электрондық анықтамалық іске қосылады.Қазақстанда "1439” бірыңғай қысқа нөмірі іске қосылды. Байланыс орталығының операторлары диспансерлік тіркеуде тұрған және тегін медициналық көмектің кепілдік берілген көлемі шеңберінде амбулаторлық ем алатындарға тегін босатылатын қажетті дәрі-дәрмектерді жеткізу мерзімі, көлемі және жоспарланған күні туралы ақпарат береді.

 

"СҚ-Фармация” ЖШС басқарма төрағасының міндетін атқарушы Берік Шәріптің айтуынша, байланыс орталығы дәрі жеткізу туралы халықты хабардар ету үшін ғана емес, сонымен бірге дәрі жеткізудің не себепті кешіктірілетінін түсіну үшін де қажет.

Дәрі-дәрмекті жеткізудегі кідірістер туралы шағымдар үнемі туындайды. Сондықтан халықтың дәрі алуындағы кідіріс себептерін түсіну емделушілер үшін ғана маңызды емес. Бізге осы мәселелерді жүйелі түрде шешу және болашақта оған жол бермеу үшін кідірістердің қай кезеңде болатынын түсіну керек, – дейді Берік Шәріп.

Бірыңғай дистрибьютор басшысының айтуынша, байланыс орталығының қысқа нөмірін іске қосу – бұл денсаулық сақтауды цифрландырушеңберінде компания жүзеге асырған бірнеше жобаның бірі. Тағы бір жоба – емханаларда дәрі-дәрмектің бар-жоғын білдіретін электрондық анықтама.

Анықтама емделушілердің өздеріне онлайн режимде дәрілік қамтамасыз ету бойынша барлық деректі: қандай дәрі-дәрмекке медициналық ұйым өтінім бергенін, онда қашан және қандай көлемде дәрілер түскенін, қазіргі кезде олардың бар не жоқ екенін, дәрі-дәрмектің келесі жеткізу мерзімі қашан екенін көруге болады, – дейді Берік Шәріп.

Жоба бірыңғай дистрибьютордың сайтында 2019 жылдың 1 қаңтарынан бастап іске қосылады.

baribar.kz

1-11-2018, 10:03

ЕМХАНАҒА ТІРКЕУ НАУҚАНЫ БАСТАЛДЫ

ЕМХАНАҒА ТІРКЕУ НАУҚАНЫ БАСТАЛДЫ

Республика бойынша осы жылдың 15 қыркүйегінен бастап емханаға тіркеу науқаны басталды. Бұл науқан екі айға созылып, 15 қарашада аяқталады. Науқанның мақсаты – қаралып жүрген емханасына көңілі толмайтын тұрғындар емдеу мекемесін ауыстыруға, қалауынша тіркелуіне мүмкіндік беру. Сондай-ақ, аймақта медициналық қызмет көрсету үшін жаңадан қосылған медицина ұйымдарының келер жылы халыққа қызмет көрсетуге тапсырыс алуына жағдай жасау. Бұл туралы Өңірлік коммуникациялар қызметінде өткен баспасөз конференциясында облыстық денсаулық сақтау басқармасының басшысы Ақмарал Әлназарова мәлімдеді.

Атап өтсек, аталмыш шара өңір үшін маңызды. Аймақта жеке медициналық орталықтар мен клиникалардың саны көбейген. Тіркеу тәртібіне үш өзгеріс енгізілген.

«Жалпы, өткен жылдың тіркеу науқанында облыстың 750 мыңнан астам тұрғыны емхана таңдау құқығын пайдаланған. Халықтың бұл науқанға деген қызығушылығының артқанын, емхананы еркін таңдау құқығы туралы хабардар екенін білдіреді. Айта кету керек, тұрғындар науқан кезінде таңдаған емхана қызметін 2019 жылдың 1 қаңтарынан бастап пайдалана алады. Оған дейін бұрынғы емхананың пациенті болып қала береді»,- деді «Медициналық әлеуметтік сақтандыру қоры» КЕАҚ Қызылорда облысы бойынша филиалының директоры Б.Исмағамбетов.

https://syr-media.kz/news/5636-emhanaa-trkeu-nauany-bastaldy.html
20-09-2018, 04:35

МӘМС: ЕМХАНАЛАРҒА ЕРКІН ТІРКЕУ НАУҚАНЫ БАСТАЛАДЫ

МӘМС: ЕМХАНАЛАРҒА ЕРКІН ТІРКЕУ НАУҚАНЫ БАСТАЛАДЫ


15 қыркүйек күні емханаларға халықтың еркін тіркеу кампаниясы басталады. Бұл МӘМС жүйесіне қатысу үшін маңызды, деп атап өтті әлеуметтік медициналық сақтандыру қоры Қызылорда филиалы мамандары. Өйткені, емхана арқылы медициналық қызмет топтамасына қол жеткізу ашылады: МӘМС (міндетті әлеуметтік медициналық сақтандыру( және ТМККК (тегін медициналық көмектің кепілді көлемі).

Қызылорда облысында және Байқоңыр қаласында барлығы 19 алғашқы медициналық-санитарлық көмек көрсету объектілері (соның ішінде 6 жеке меншік) 797 293 адамға қызмет көрсетеді.

Емханаларға еркін тіркеу кампаниясының науқаны барысында әрбір тұрғын ең ыңғайлы емхананы таңдай алады және өзінің категориясы туралы мәлімдеуге мүмкімдік бар. Сіз кім – жалдамалы қызметкер, кәсіпкер, өзін-өзі қамтушы азамат немесе жұмыссыз? Бұның маңыздылығы медициналық көмек алғанда ешқандай қиындықтар туындамауы қажет.

Сонымен, емханаға калай тіркеледі? Бұл үшін Сіз жеке куәлікпен қоса және бас дәрігерінің атына өтініш жазасыз. Ешқандай атаулы анықтама талап етілмейді.

Басқа нұсқасын таңдау – емхананы сайт egov.kz. арқылы тандау. "Электрондық үкімет" порталы арқылы азаматтын ЭЦҚ-мен куәландырылған деректерді көрсететін электронды құжат түріндесұратуды ұсыну қажет.

«Осы порталда «Емхана таңдау» бөлімінде сіз қай жерде орналасқаныңызды тексере аласыз», - деп атап өтті қордың мамандары. Бұрынғы алғашқы емханадан автоматты түрде тіркеуден шығарады. Тіркеу және тіркеуден шығару бір реттен жиі емес.

Емханаларға еркін тіркеу науқаны 15 қарашаға дейін жалғасады.

Әлеуметтік мәртебеңізді анықтаңыз, бұл медициналық сақтандыру қорына аударымдар жасау және медициналық көмек алу үшін өте керек.

 

«Әлеуметтік медициналық сақтандыру қоры» КЕАҚ Қызылорда облысы бойынша филиалының халықты ақпараттандыру және өтініштерді қарау жөніндегі бөлім

https://syr-media.kz/news/5491-mms-emhanalara-erkn-trkeu-nauany-bastalady.html
14-09-2018, 05:18

«ДЕНСАУЛЫҚ» ЖОЛҒА ШЫҚТЫ

«ДЕНСАУЛЫҚ» ЖОЛҒА ШЫҚТЫ

«Денсаулық» және «Саламатты Қазақстан» меди­циналық пойыздары жолға шықты. Қыр­күйектің 3-де «Қарағанды» және «Алматы-2» бекетінен шыққан пойыздар үш ай бойы еліміздің шалғайдағы теміржол бекеттеріне тоқтап, елді мекен тұрғындарына медициналық көмек көрсетеді.

Медициналық бригада құрамында терапевт, педиатр, невропатолог, окулист, ЛОР, гинеколог, хирург, уролог, маммолог, стоматолог дәрігерлер бар. Пойыз диагностикалық құралдармен жабдықталған, оның ішінде компьютерлік спирометрлік жүйемен, эхоэнцефалографпен, диагностикалық жүктеме сынақтарын жүргізу үшін кардиологиялық мониторинг жүйесімен, сонымен бірге, рентген, стоматологиялық, ЛОР және офтальмологиялық жабдықтардың соңғы үлгілерімен қамтамасыз етілген.

«Денсаулық» пойызы Атырау, Маңғыстау, Қызылорда, Түркістан және Алматы облыстары бойынша барлығы 71 бекетке тоқтайды деп күтілуде. Ал, «Саламатты Қазақстан» пойызы Шығыс Қазақстан, Павлодар, Қарағанды және Қостанай облыстарының шалғайдағы 57 станциясының тұрғындарына көмек көрсетпек. Тұрғындар жоғары білікті медициналық көмек, соның ішінде шағын хирургиялық операция­лар, жоғары сапалы стоматологиялық көмек ала алады.

Айта кету керек, «Медициналық пойыздар» жобасы алғаш рет 2010 жылы жүзеге асырылған болатын. Осы уақыт ішінде консультациялық-диагностикалық пойыздардан 1326 станция тұрғындары тексеруден өткен. Мамандар 379000 қазақстандықты тексерістен өткізген, оның ішінде 83806-сы бала.

Жоба «Самұрық-Қазына» АҚ компаниялар тобы атынан «Samruk-Kazyna Trust» әлеуметтік жобаларды дамыту қоры және ҚР Денсаулық сақтау министрлігі, сонымен қатар «Қазақстан Темір Жолы» ҰК» АҚ-ның «Әлеуметтік жобалар» корпоративтік қоры арқылы жүзеге асырылады.

«Денсаулық пойызы» өңірімізде 14 қазан мен 1 қараша аралығында болады деп күтілуде.



Айнұр БАТТАЛОВА,

«Сыр бойы»

Кесте (орыс тілінде)

«ДЕНСАУЛЫҚ» ЖОЛҒА ШЫҚТЫ 

http://www.syrboyi.kz/negizginews/24517-densauly-zhola-shyty.html
13-09-2018, 05:13

Денсаулық министрлігі тегін медициналық көмектің жаңа моделін енгізеді

Денсаулық министрлігі тегін медициналық көмектің жаңа моделін енгізеді

Елімізде тегін медициналық көмек көлемінің жаңа моделі енгізіледі. Бұл туралы бүгін Үкіметтің селекторлық режімдегі отырысында Денсаулық сақтау министрі Елжан Біртанов айтты, - деп хабарлайды ҚазАқпарат тілшісі.

«Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауына сәйкес министрлік ағымдағы жылдың мамырында бір мезгілде міндетті әлеуметтік медициналық сақтандыруды енгізе отырып, мемлекеттік міндеттемелердің нақты шегі көрсетілген тегін медициналық көмек көлемінің жаңа моделін әзірледі және енгізу жұмыстарын жүргізуде. Тегін медициналық көмек көлемінің пакеті бүкіл халық үшін ең төменгі әлеуметтік стандарт болады. Алғашқы медициналық көмек шұғыл медициналық көмекті және негізгі, оның ішінде әлеуметтік мәні бар аурулар кезінде консультациялық-диагностикалық қызметтерді тегін дәрілермен қамтамасыз етуді және стационарлық көмекті қамтитын болады», - деді министр.
Оның айтуынша, міндетті әлеуметтік медициналық сақтандыру пакеті тегін медициналық көмектен тыс қызметтерді қамтиды. Оның ішінде жоспарлы стационарлық көмек, қымбат тұратын диагностикалық қызметтер мен тегін медициналық көмек пакетіне кірмеген аурулар бойынша дәрілік қамтамасыз ету кіреді.
«Онан басқа, тегін медициналық көмек көлемінің жаңа моделі аясында негізгі аурулардың 30 тобы бойынша сәйкес тарифтер мен белгіленген қызметтер тізбесін кезең-кезеңімен қамтамасыз ете отырып, консультациялық-диагностикалық қызметтердің көлемін нақты айқындау жоспарлануда. Тегін медициналық көмек көлемінің жаңа моделін енгізу және әлеуметтік медициналық сақтандыру қорынан жарналардың есебінен алғашқы медициналық көмекті қаржыландыру тапшылығын кезең-кезеңімен жоюға мүмкіндік береді. Бұл денсаулық сақтау жүйесінің ұзақ мерзімді қаржылық тұрақтылығын қамтамасыз етеді», - деді ол.
Министрдің сөзіне қарағанда, тегін медициналық көмектің жаңа моделін енгізу аясында әлеуметтік мәні бар ауруларды қоса алғанда сырқаттардың 262 тобыннан тұратын диспансерлеуді арулардың 30 тобынан тұратын басқару бағдарламасына трансформациялау ұсынылады. «Бұл шамамен 70 пайыз өлімді, 80 пайыз науқастануды, сондай-ақ халықтың өмір сүру ұзақтығын айқындайтын негізгі ауруларды бақылауды қамтамасыз етеді. Бұл ретте пациентті өз ауруын басқаруға белсенді тарту, бірлескен тексеруді енгізу, мобильдік қосымшаларды пайдалану жоспарлануда. Қазіргі кезде барлық аймақтарда 3 ауру бойынша ауруларды басқару бағдарламасы енгізілуде. Ол аурулардың асқыну және ауруханаға жатқызу көрсеткішін төмендетуге елеулі әсер берді»,- деді Елжан Біртанов.

http://www.syrboyi.kz/densaylik/24285-densauly-ministrlg-tegn-medicinaly-kmekt-zhaa-modeln-engzed.html

4-09-2018, 09:04

СУДА АБАЙ БОЛЫҢЫЗДАР!

СУДА АБАЙ БОЛЫҢЫЗДАР!


Қала маңындағы суға түсуге тиым салынған аймақтарда кезекшілік жұмыстары жолға қойылған. Оған төтенше жағдайлар департаментінің мамандары мен күш құрылымдары тартылған. Алайда ескертуді елемейтіндердің кесірінен суға кету фактісі азаймай отыр. Осылай деген қала әкімінің орынбасары Берік Сәрменбаев Өңірлік коммуникациялар қызметінің алаңында тілсіз жаумен күресте жүргізіліп жатқан жұмыстар жөнінде баяндады.

Жыл басынан қала бойынша суда қаза болғандардың саны 9 адамға жеткен. Оған себеп белгіленбеген жерлерде мезгілсіз суға түсумен байланысты дейді төтенше жағдай қызметкерлері. Дария бойында суға түсуге қауіпті аймақтарда қалалық жергілікті полиция қызметі, қалалық төтенше жағдайлар басқармасы, Оңтүстік өңірлік аэроұтқыр жедел-құтқару жасағы және қалалық қоғамдық денсаулық сақтау басқармасы қызметкерлерінің қатысуымен бірлескен рейд жұмыстары жүргізілуде.

Рейд жұмыстары барысында қауіпті деген су айдындарында шомылып жатқан 500-ден астам азаматқа ескерту жасалып, үйлеріне қайтарылды және 2 азамат суға батып бара жатқан жерінен құтқарылды.

https://syr-media.kz/news/4639-suda-abay-bolyyzdar.html
26-07-2018, 09:49

Балаларға арналған судағы қауіпсіздік ережесі

Балаларға арналған судағы қауіпсіздік ережесі

 

Су – адам үшін қауіпті апат.Тіпті тыныш ағып жатқан тынық судың өзі қауіпсіз сияқты көрінгенімен, оның да өзіндік қауіптілігі бар. Әдетте, жүзе алмайтын балалар белден жоғары келетін, судың терең жеріне бара бермейді, сондықақтан суда жүзе алмайтын балалар емес, өзін жақсы жүзе аламын деп санайтын балалар судағы қайғылы жағдайларға ұшырап жатады.

Балаларға арналған судағы қауіпсіздік»тақырыбы балаларға ереже тәртібін оқытуға және жазатайым жағдайлардың санын азайтуға бағытталған. Мектепке дейінгі және мектеп жасындағы кішкентай балалар шомылу кезінде үнемі үлкендердің қарауында болуы тиіс. Сәл үлкенірек жастағы жеткіншек балалар, өздері су айдынына шомылуға барған кезде де, суға түсуге рұқсат етілген, қауіпсіздігі сақталған, су астындағы терең ой-шұқырлары жоқ, қатты су ағысы, иірімі немесе толқыны жоқ жерлерде шомылуы қажет. Көптеген жазатайым оқиғалар суға шомылуға тыйым салынған жерлерде орын алады.

Едәуір ересек балалар суда жүзе білу және суда өзін дұрыс ұстау ережелерін біліп қана қоймай, судағы қиын жағдайларда өзін ұстай білу машығын да меңгеруі қажет. Олар егер аяқтың тырысуы болған жағдайда, өзін қалай ұстау керектігін, суға батып бара жатқан адамды шамалауды, оған алғашқы медициналық көмек көрсетуді және т.б. білуі қажет.

Балаларға арналған судағы қауіпсіздік ережелері

Балалардың судағы қауіпсіздігі туралы ата-аналар нені білуі керек?

суға тамақтанғаннан кейін біржарым сағаттан соң шомылуға болады;

егер судың температурасы +16 °С төмен болса, суға түсуге болмайды, себебі судың суықтығынан аяқ-қолдың тырысуы немесе естен айырылу жағдайлары болуы мүмкін;

су температурасы +17 °С-ден +19 °С-ге дейін және ауаның температурасы +25 °С болған жағдайда, суда 10-15 минуттан артық шомылуға болмайды;

суға тек қана суға түсуге арналған қауіпсіз, арнайы жабдықталған жерлерде түсу керек. Егер сіз жабайы табиғи жерлерде шомылуды шешсеңіз, суы таза, тереңдігі 2 м аспайтын, судың түбі қиыршық тасты немесе құмды жерді және ағысы жай 0,5 м/с жоғары емес орынды таңдағаныңыз жөн (тексеру үшін суға жаңқа немесе таяқ тастаңыз). Әрқашан су түбін тексеру қажет және шомылып жатқан балаларды қадағалаңыз. Балалар су жағасында шомылулары қажет. Ешқашан шалшық суға түспеңіз;

Егер сіз мас күйде болсаңыз, балаларды суға жібермеңіз, олар қараусыз қалып қойған жағдайда, қайғылы жағдайға ұшырауы мүмкін.

Балалардың судағы қауіпсіздігінің негізгі ережесі:

Белгі қойылған жерден асып жүзуге болмайды, ол болмаған жағдайда жағадан алыс жүзбеу керек;

Кемеге жақын жүзуге болмайды;

Таяз жерге немесе белгісіз тереңдікке секіруге болмайды;

Қайық, айлақ, көпір үстінен және арналмаған жерлерден секіруге болмайды;

Күнге қыздырынғаннан кейін немесе ұзақ жүгірістен соң суға секіруге болмайды, себебі естен айырылып қалу немесе жүректің тоқтап қалуы мүмкін. Алдымен сумен шайынып алу керек;

Дауыл немесе толқын болған жағдайда шомылуға болмайды;

Қарсыласыңды суда ұстап тұру ойынымен ойнауға болмайды, себебі жолдасың тұншығып және есін жоғалтуы мүмкін.

Ғ.ДОСАЕВ,

Қызылорда қаласы Төтенше жағдайлар

басқармасының бас маманы

азаматтық қорғау майоры

Фото Basik.ru сайтынан алынды.

http://www.syrboyi.kz/akparat/20525-balalara-arnalan-suday-aupszdk-erezhes.html
16-05-2018, 03:18

«ДАМУ МЕД» ДЕНСАУЛЫҚ ДЕМЕУШІСІ

«ДАМУ МЕД» ДЕНСАУЛЫҚ ДЕМЕУШІСІСоңғы жылдары елімізде интернет желілерінің әлеуеті артып келеді. Осы арқылы халыққа көптеген қызмет түрі қолжетімді болды. Компьютер, смартфондарға түрлі қосымшалар енгізілуде. Сондай игілікті жобаның бірі – облыстық денсаулық сақтау басқармасының «DamuMed» медициналық қосымшасы.

 

Бүгінде емханалар ұсынған әрбір электронды қызметті ыңғайлы және тез алуға мүмкіндік туды. Өйткені, аталған бағдарлама бойынша үйден шықпай-ақ түрлі ақпаратқа қол жеткізуге болады.

Оның басты мақсаты – медицина қызметін халыққа тиімді ету. Мәселен, бұл арқылы үйде немесе жұмыс орнында отырып, дәрігер қабылдауына жазыласың. Ол үшін «Дәрігерге жазылу» батырмасын басу қажет. Айта кету керек, оны пайдаланушы қабылдау күні мен уақытын өзінің таңдауына мүмкіндігі бар.

«DamuMed» ұялы қосымшасына телефон нөмірі мен жеке куәліктің ЖСН нөмірін теру арқылы тіркеледі. Ал, оған кіре алмаған жағдайда телефон нөмірін қосуға өтінім береді. Ол үшін ЖСН нөмірі бар жеке куәліктің фотосуретін түсіріп жіберу керек. Себебі, құжаттың суреті жеке тұлғаны растау үшін және медициналық ақпаратты басқа адамдардан қорғау мақсатында талап етіледі. Өтінішті медициналық ұйым қызметкерлері қабылдап, ұялы телефонға SMS хат арқылы код жолдайды.

Бұл бағдарлама бойынша әрбір адам өзін немесе отбасы мүшелерін дәрігерге қаралуына жазып, дәрігерді үйге шақыруға болады. Сондай-ақ, еңбекке жарамсыздық парағын емханаға бармай-ақ алады. Тағы бір ерекшелігі, дәрігер берген рецепті осы жерден қарайды. Ал, қауіп-қатер батырмасы – белгілі бір санатқа жататын 5 жасқа дейінгі балалар, диспансердің кейбір топтарындағы науқастар, жүкті әйелдердің шұғыл шақыртуын қабылдайды. Сонымен қатар, осы бағдарлама бойынша барлық зертханалық зерттеулердің қорытындысын, лабораторияның нәтижелерін көруге мүмкіндік бар.

Аталған жүйедегі мәліметтер халыққа түсінікті тілде жеткізілген. Оның ішінде жүкті әйелдерге барлық жағдай қарастырылған. Атап айтсақ, мұнда оларға түрлі кеңестер бар. Мәселен, «Апта сайын бала қалай дамиды? Жүкті келіншек қандай тағамдарды тұтыну керек?» деген сауалдарға жауаптар берілген. Сондай-ақ, перзентханаға қандай заттар алып бару қажеттігіне дейін көрсетілген. Әсіресе, бұл – жас аналар үшін қолайлы мүмкіндік.

Облыстық денсаулық сақтау басқармасының кешенді медициналық ақпараттық жүйесінің үйлестірушісі Сарбиназ Баймаханованың айтуынша, бүгінге дейін аймақта медициналық қосымшаны 17387 адам ұялы телефонына жүктеген. Олардың арасында жүкті келіншектер 20,3 пайызды құрайды. Қазір барлық емханаларда аталған ұялы қосымшаны енгізуге кеңінен түсіндірме жүргізілуде. Ондағы мақсат – дәрігердің және емханаға келген емделушінің уақытын тиімді пайдалану.

Ақмарал ҚАДЫРХАНҚЫЗЫ.

aqmeshit-aptalygy.kz

3-05-2018, 06:33