МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ

МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ


Қызылорда медициналық жоғарғы колледжінің спорт алаңында Қызылорда қаласының 200 жылдығы және медицина ардагері Ақмырза Сыздықов 80 жылдық мерейтойына арналған облыстық медицина қызметкерлерінің 52-ші спартакиадасының ашылуы болды. Бұл туралы қалалық аурухананың баспасөз қызметі хабарлады.

Жарыстың ашылуында облыстық денсаулық сақтау басқармасы басшысының орынбасары Жақсылық, Абдусаметов, Қызылорда медициналық жоғарғы колледжінің директоры Салтанат Тасмағамбетова және сала ардагері Ақмырза Сыздықов қатысушыларға сәттілік тіледі.

Бір айға жуық созылатын жарыста қатысушылар спорттың 8 түрінен бақ сынамақ.

МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ
МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ

https://syr-media.kz/sport/3538-medicina-yzmetkerler-spartakiadasyny-ashyluy.html
21-05-2018, 11:20

Болашақтың медицинасы қандай болады - доктор Грейдің көзқарасы

Болашақтың медицинасы қандай болады - доктор Грейдің көзқарасы«Sens» ғылым қорының төрағасы Обри Ди Грей болашақтың медицинасы туралы айтып берді, деп хабарлайды ҚазАқпарат тілшісі.

«Қазір біз адамды емдеу шараларына негізгі басымдық береміз. Ондай медицина артта қалады. Болашақтың медицинасы адам ағзасындағы процесстерді қалпына келтірумен айналысатын болады. Көлікті қалай жөндесек, болашақтың медицинасы да адамның денсаулығын солай қалпына келтіреді. Жасушаларды жаңарту, генетикалық терапия алдыңғы қатарға шығады. Дәл осы салалар адамның денсаулығын жақсартып, өмірін айтарлықтай ұзартатын болады. Ондай өзгерістердің экономикалық эффектісі өте үлкен болады», - доктор Грей Астана экономикалық форумының пленарлық мәжілісінде.

Ғалымның айтуынша, адамның өмірі ұзарса, зейнеткерлікке шығатындарды әлеуметтік қамсыздандыру және тағы басқа шығындар көбейеді. Халықтың тұтыну көлемі де артады. Бірақ дәрі-дәрмекке кететін ақшаның көлемі азаяды. Себебі денсаулықты сақтаудың жаңа әдіс-тәсілдері болады. «Бұның барлығы 5-6 жылдан кейін келуі әбден мүмкін. Дәл қай кезде болатынын нақты айту қиын. Бірақ бір нәрсе анық, болашақта адамды жасартатын медицина болады. Аталған терапиялар адамзаттың өмірін түбегейлі өзгертеді. Адамның өмірі ұзарады. Демек, қазіргі салық төлеушілер, жұмысшылар, дауыс берушілер ұзақ жасайды. Осыны ойлану қажет. Соған сай жоспарымызды да жасауымыз қажет», - деп атап көрсетті Обри Ди Грей.

http://www.syrboyi.kz/densaylik/20625-bolashaty-medicinasy-anday-bolady-doktor-greyd-kzarasy.html

18-05-2018, 11:17

Мейірімді мейіркеш

Мейірімді мейіркеш

Сырқат жандарға сапалы қызмет көрсетіп, олардың дертінен айығуыжолында аянбай еңбек етіп жүрген мейіркеш Гүлмира Шамшаеваның осы салада жүргеніне биыл отыз үш жыл.

Жанарынан мейірім, жүзінен жылы­лық нұры тамып тұратын мейіркеш Арқалық қаласындағы медициналық училищені бітірген соң, өзі туған Қазалы қаласындағы емханаға №1 ересектер аймағындағы мейіркеш болып жұмысқа орналасты. Бұдан соң, әр жылдары №1 балалар аймағындағы мейіркеш, медстатист міндеттерін атқарды. Жуырда ғана баланың дамуын бақылау бөлмесіндегі қызметіне ауысқан Гүлмира Қаниқызы босанғанға дейінгі және босанғаннан кейінгі аналарға кеңес беріп, 0-5 жас аралығындағы балаларға көмек көрсетеді. Ұжымда сыйлы маман отбасында да немерелерінің сүйікті әжесі. Жолдасы Серік Қонысұлымен өмірге үш бала әкеліп, тәрбиелеп өсірді. Қызы Эльмира анасының жолын қуып, медициналық білім алды.

Гүлмира еңбекке араласқалы әріп­тестерінің де, емделушілердің де сүйіктісіне айналды. Тапсырмаға тиянақты мейіркеш: «Медбике болу бала күнгі арманым. Мамандықты игеріп, қолыма дипломымды алғанда ерекше қуандым. Жүрегің қалаған жұмысты істеу қиынға соқпайды. Мен онан шаршамаймын, керсінше қуат аламын. Емделушіңіздің сізге риза кейіппен қараған көзқарасының өзі неге тұрады», – дейді.

Иә, үлкен-кішіден алғыс арқалаған Гүлмира Қаниқызы аудандық емхана кәсіподақ комитеті мен Қазалы қаласы әкімінің де «Алғыс хатын» иеленген. Оның еңбекқорлығын, өз ісінің шебері екендігін оның қызметін көрген сырқаттармен сырласқанда білдік. Әрдайым мұнтаздай киініп, ширақ жүретін мейіркеш келіншек дәрігерлердің тапсырмасы мен науқас жандардың өтініш-тілегін барынша ыждаһатты орындайды. Сырқат адамға алдымен қажеті – мейірімділік, ізеттілік десек, бұл қасиеттер мейірбан мейіркештің бойында бар. Мұны аурухана басшылары ғана емес, емделушілер де жиі айтады.

«Бүгінде балтыры сыздап, басы ауырмайтын жан кемде-кем. Менің де қан қысымым жиі көтеріліп кетеді. Дәрігердің тағайындаған дәрілерін үйде алатын кездерім болады. Осындайда Гүлмирадан көмек сұраймын. Уақытымен келіп, жағдайымды сұрап, ем-домын жасайды. Қарапайымдылығы мен өз мамандығына деген сүйіспеншілігіне ризамын», – деп ағынан жарылды қала тұрғыны Алтынай Қыпшақбайқызы.

Ұжымның мақтанышына, емделу­шілердің алғысына бөленген Гүлмира Қаниқызын төл мерекесі қарсаңында абыройың асқақтай берсін дейміз.

Ұлболсын ТАЛАПБАЕВА

https://qazaly.kz/kogam/3164-meyrmd-meyrkesh.html
14-05-2018, 13:49

ҒАЛЫМДАР: САЛМАҚТЫҢ АЗДЫҒЫ ЖАРЫМЕСТІККЕ ДУШАР ЕТУІ МҮМКІН

ҒАЛЫМДАР: САЛМАҚТЫҢ АЗДЫҒЫ ЖАРЫМЕСТІККЕ ДУШАР ЕТУІ МҮМКІН

Салмақтың аздығы жарыместікке себеп болуы мүмкін. Бұл туралы арнайы зерттеу жүргізген Бостон медицина университетінің ғалымдары мәлімдеді. Зерттеу нәтижелері Journal of Alzheimer’s Disease басылымында жарияланған, деп хабарлайды Stan.kz ақпараттық агенттігі.

Ғалымдардың пайымынша, дене массасының индексі төмен болған жағдайда, яғни оның бойы мен салмағы сәйкес келмесе, орта және егде жаста (50-60 жас) адамның жарыместіктен қашып құтылуы екіталай.Зерттеушілеп ақыл-ес кемістігінің себебін іздеу мақсатында жаңа зерттеу жүргізген.Нәтижесінде 50-60 жас аралығындағы салмағы аз адамдардан ақыл-естің кемдігі анықталған. Ал салмағы қалыпты нормаға сай келетін егде жастағы адамдарда бұл құбылыс кездеспеген.Сондай-ақ, ғалымдардың айтуынша, ұйқы жеткіліксіздігі мен жесірлік адамды ақылсыздыққа душар етуі мүмкін.

12-05-2018, 19:51

МЕЙІРБИКЕЛЕР КҮНІ АТАЛЫП ӨТТІ

МЕЙІРБИКЕЛЕР КҮНІ АТАЛЫП ӨТТІ

«Ізгіліктің нұрын сепкендер!». Бұл сөз қашаннан дәрігерлер мен мейірбикелер қауымына айтылып келеді. Мейірбике ісі – ең жауапты, қиын да қарапайым, әрі адалдықты қажет ететін маман иесі.

Олар сырқатына ем, дертіне дауа іздеген талайжандардың көңіліне демеу бола білген, күндіз-түні адам жанының арашашысы болып жүрген ізгілікті маман иелері.

Мейірбикелердің науқастарды емдеуде, оларды ауруынан айықтыру жолындағы еңбектері айтарлықтай зор. Ал осындай мәртебелі мамандық иелеріне қандай құрмет көрсетсек те көптік етпейді.

Мейірбикелердің жауаптылығы мен адалдығының нәтижесінде арнайы Халықаралық мейірбикелер күні де белгіленгені белгілі. Яғни, бұл халықаралық мейрамның тамыры сонау 1853 жылдан бастау алады. Әлем бойынша 1974 жылдан бастап Халықаралық мейірбикелер күнін атап өту туралы шешім қабылданды.

МЕЙІРБИКЕЛЕР КҮНІ АТАЛЫП ӨТТІҚырым соғысы кезінде жарақат алғандарға көмек көрсету үшін қайырымдылық қызметін ұйымдастырған Флоренс Найнтингейлдің құрметіне арналған мереке күні бүгінге дейін әлемнің түкпір-түкпірінде тойланып келеді.

Соның бірі дәлелі облыс орталығындағы «Достық үйінде» Халықаралық мейірбикелер күні мерекесіне орай облыстық денсаулық сақтау басқармасының ұйымдастырған салтанатты шарасы.

Салтанатты шарада алдымен облыстық денсаулық сақтау басқармасының басшысы Әлназарова Ақмарал Шәріпбайқызы құттықтау сөз сөйлесе, одан әрі Қызылорда облысы медицинасының дамуына айтарлықтай үлес қосқан сала қызметкерлері марапатталып, медицина саласының ардагерлеріне сыйлықтар табыс етілді.

Шара одан әрі концерттік бағдарламаға ұласты.


 

Қызылорда қалалық ауруханасының баспасөз қызметі
11-05-2018, 19:52

Ауыздан шығатын жағымсыз иістен құтылудың жолдары

Ауыздан шығатын жағымсыз иістен құтылудың жолдары

Алдымен ауыздағы жағымсыз иістің неден шығып жатқанын анықтап алу қажет. Медицина мамандары жағымсыз иістің шығуына түрлі жағдайлар себеп болады дейді. Мәселен, қызыл иек қабынған кезде аузыңыздан қанның иісі шықса, ал асқазан ауырған кезде пияздың немесе сарымсақтың иісі шығады. мұның қай қайсысы болса да сізге ыңғайсыздық тудыратыны анық. Сондықтан да жағымсыз иістен арылуға асығыңыз. Ол үшін сізге қарапайым әрі қолжетімді емделу жолдарының бірнеше нұсқасын ұсынамыз.

1. Ауыздағы жағымсыз иістен тез арада арылғыңыз келсе, онда тамағыңызға кардамон қосыңыз немесе кардамонды шайнаңыз. Бұл дәмдеуіш ауыздағы зиянды бактерияларды өлтіреді.
2. Бауырыңыз ауырған кезде де ауыздан жағымсыз иіс шығады. Ол кезде 1 стақан қайнатылған суға 1/2 шай қасық жусан араластырып, шай ретінде ішіңіз.
3. 1 шай қасық тұзды 50 мл зәйтүн майына араластырып, ауыз қуысын шайыңыз. Емді тамақтанудан 30 минут бұрын жүргізесіз.
4. Шөп шайды жиі ішіп тұрыңыз. Бұл ауыздағы кез келген жағымсыз иісті жояды.
5. Ауыздағы жағымсыз иістен біржолата құтылғыңыз келсе зімбірдің көмегіне жүгініңіз. Тамақтан соң ½ шай қасық ұнтақталған зімбірді аузыңызға салып, мұқият шайнап, жұтыңыз.
6. Бірнеше дана грек жаңғағының жапырағын 1 стақан қайнаған суға салып, демдеңіз. Оған 1 ас қасық бал араластырып, ауыз қуысын, қызыл иекті шайсаңыз, ауыз қуысының саулығын арттырасыз және жағымсыз иістен арыласыз.
7. Әністің дәні де жағымсыз иістен арылтады. Ол үшін 200мл қайнаған суға 2 шай қасық дәнді салып, 20 минут қақпағын жауып қоясыз. Белгіленген уақыттан соң тұнбаны сүзіп алып, тамағыңыз бен аузыңызды шайыңыз.
8. 1 апта бойы тісіңізді құрғақ сүтпен тазартыңыз. Оны кәдімгі паста секілді қолданасыз. Күнде таңертең және кешке щеткаға құрсақ сүтті сеуіп, тісіңізді жуыңыз. Бұл тісті тастан, ауызды жағымсыз иістен тазартады.
9. Егер аузыңыздан сарымсақтың иісі шығып тұрса, онда ½ шай қасық ұнтақталған жұпар жаңғағын шайнаңыз. Жаңғақты мейлінше асықпай 5-6 минут шайнау керек.
10. Сарымсақтың иісін ақжелкен де кетіре алады. Ол үшін бірнеше тал ақжелкенді шайнап, сөлін жұтыңыз. Ал қалғандарын түкіріп тастауға болады.
11. Дереу лимон тілігін жеңіз. Егер қышқылдығы қиындық тудырса, онда шекерге батырып жесеңіз болады.
12. Сарымсақтың жағымсыз иісін ментол дәмі бар сағыз немесе жалбызды таблетка жояды. Оны кез келген дәріханадан таба аласыз.


Міне, осы қарапайым ғана кеңестерді жүзеге асырсаңыз, ауыздағы жағымсыз иістен бір жолата құтыласыз. Өзіңіз де айналаңыздағылардан қуыстанбай, емін-еркін күле аласыз.

Ләззат Ахметова,
ERNUR.KZ

10-05-2018, 12:33

Зобты кетіретін тұнбалар

Зобты кетіретін тұнбалар

Редакциямызға хабарласып, зобқа қарсы тиімді рецептті сұраушылар көп. Соған орай біз 2010 жылы Мәскеу қаласында басылып шыққан «Халық медицинасының энциклопедиясы» кітабынан бірнеше тәсілді аударып ұсынуды жөн көрдік. Бұл қалың кітаптағы рецепттерді медицина ғалымдары мақұлдаған. Дегенмен де ем кезінде дәрігермен кеңесуді ұмытпаңыз демекпіз.

Жылауық тал тұнбасы

 

Жылауық талдың (ива) жас бұтақтарынан бір құшақ жинап алыңыз. Жуып, ыңғайлы етіп кесіп алған соң үлкендеу ыдысқа (кас­трюль) салып, үс­тіне су құ­йы­ңыз. Оны баяу от­та, жартысы қал­ғанша ұзақ қайнатқанда суы қай­мақ сияқты қою тартып, түсі қара-қоңыр тартуы тиіс. Осы қоймалжыңды күнде ұйқы алдында мойын тұсына жылы күйінде жұқалап жағып, сыртынан құрғақ дәкемен орап қою керек. Осылай үш ай жасағанда зоб көлемі екі есеге дейін кішіреюі тиіс.

 

Бал қосылған ботқа

 

Халық медицинасында тиімді саналатын емнің бір түрі – бал қосылған ботқа да зобтың асқынуын тоқтатып, оған ем болады екен. Ол үшін 1 стакан таза бал керек. Грек жаңғағын шағып, дәнінен 1 стакан алыңыз. Сосын жуылып-шайылған 1 стакан қарақұмық (гречка) дайындаңыз. Жаңғақ пен қарақұмықты мейлінше ұнтақтау керек. Алынған ұнтақты балға қосып, біркелкі қоймалжың болғанша жақсылап араластырады. Көріп тұрғаныңыздай, бұл құрамы витаминге толы нағыз емдік ботқа. Осы ботқаны алтыға бөліп, кешке дейін жеп тауысу керек. Таңертеңгісін ашқарынға бас­таған тиімді. Астан жарты сағат бұрын тұтынған дұрыс.

 

Үш күннен кейін жаңадан ботқа әзірлеп, оны да осылай алты бөліп, бір күн ішінде тауысу керек. Ем барысын, ағзадағы өзгерісті бақылай отырып, 1 айдан 3 айға дейін жалғастыруға болады. 1 ай үзілістен кейін тағы қайталаған тиімді.

 

Зобты кетіретін тұнбаларШырғанақтың шипасы

Шырғанақ (облепиха) жемісі, зәйтүн майы (оливковое масло), йод үшеуінен де зобқа қарсы ем жасауға болады. Ол үшін шыр­ғанақты шырынсыққыштан өткізесіз. Оның қоймалжың болған «ботқасын» бір ыдысқа салып, бетін толық жабатындай етіп зәйтүн майын құйыңыз. Бетін бірнеше қабатталған дәкемен жауып, 2 апта тұндырыңыз. Белгілі уақыт өткен соң дайын болған майды қалқанша без үстіне жағасыз. Сыртынан йод «сеткасын» сызу керек. Оны бірнеше қабатталған дәке немесе бинтпен орап тастаңыз. Сыртынан целлофан, сосын жылы орамал таңу керек. Түнге қарай жасалған бұл «компресс» кезінде йод таңға дейін сіңіп, жоқ болып кетеді. Бұл емді 10 күн жасайды. Нәтижесі оңды болары сөзсіз.

zamana.kz

11-04-2018, 12:57

Медицина қызметкерлерінің тіршілігімен танысты

Медицина қызметкерлерінің тіршілігімен таныстыҚР ІІМ ТЖК «Апаттар медицинасыорталығы» ММ Қызылордаоблысы бойынша филиалында 12 мамыр - «Медбикелер» күніне орай, «Ашық есік күні» өткізілді. «Ашық есік күніне» Қызылорда медициналықжоғары колледжінің студенттеріқатысты.

Шара барысындастуденттерге төтенше жағдайларкезіндегі алғашқы медициналықкөмек жұмыстары көрсетілді. Студенттерапаттар медицинасы туралы сұрақтар қойып, оларға жеткілікті жауаптаралды. Медицина қызметкерлері мен бірге медициналылық құрал-жабдықтарындұрыс қолдануды үйренді.

Студенттер қызметкерлер жұмысыментанысып, қызығушылық танытты. Студенттерге апаттармедицинасы орталығының тарихы жайында және күре жолдық медициналық құтқарубекеттері туралы айтылып, заманауимедициналық құрал-жабдықтар көрсетілді.

«Ашық есік күні» жиынының соңындастуденттерге Апаттар медицинасыорталығының іс-қимылдары, олардың адам өміріндегі маңыздырөлі жайында айтылды.

А.МИРАМБЕКОВА,

ҚР ІІМ ТЖК «Апаттар медицинасы орталығы» ММ

Қызылорда облысы бойынша филиалының фельдшері

http://syrboyi.kz/zedelnews/19522-medicina-yzmetkerlern-trshlgmen-tanysty.html
10-04-2018, 07:23

Тегін дәрімен қамтамасыз ету: Байланыс орталығы іске қосылды

Тегін дәрімен қамтамасыз ету: Байланыс орталығы іске қосылды

Тегін амбулаториялық дәрімен қамтамасыз ету сұрақтары бойынша байланыс орталығы іске қосылды. Бұл туралы ҚазАқпарат хабарлады.

Бірыңғай дистрибьютор дәрі-дәрмектердісатып алу бойыншаеліміздің медициналық ұйымдарынтегін амбулаториялық қамтамасызету үшін дәрілікзаттардың түсуі сұрақтарыбойынша байланыс орталығыніске қосты (7172) 23 50 98.

«СҚ-Фармация» басқармасы төрағасының міндетін атқарушы Шария Исмуханованың айтуынша, барлық қажеттілік қазірдің өзінде сатып алынған және емханаларға жөнелтілгеніне қарамастан, халықта дәрілік қамтамсыз етудегі үзілістер туралы сұрақтар әлі де туындап отыр.

«Біздің сайтта бұрын жарияланған телефондар бойынша қазақстандықтарға амбулаториялық дәрі-дәрмекпен қамтамасыз ету бөлімінің мамандары жауап берген. Бірақ олар барлық жұмыс уақыттарын әр жағдайды анықтауға арнай алмайтын. Сондықтан байланыс орталығын іске қосу туралы шешім қабылданды, енді оператор халықтың сұрақтарына ғана жауап беріп, дәрі-дәрмекті жеткізудегі әр үзіліс жағдайын түсіндірумен айналысады», – дейді Шария Исмуханова.

«СҚ-Фармация» төрағасының айтуынша, байланыс орталығы әзірше пилоттық тәртіпте жұмыс істейді. «Кейінірек, қазақстандықтардың қолайлылығы үшін, республика бойынша барлық абоненттерге бірыңғай қысқа нөмірді іске қосу жоспарлануда», – деді ол.

Еске салайық, 2018 жылдың 1 тоқсанында еліміз бойынша барлық 404 медициналық ұйымға тегін амбулаториялық дәрілік қамтамасыз ету үшін 22,3 млрд теңге сомаға дәрі-дәрмек жөнелтілді.

Ағымдық сәттегі жағдай бойынша қазақстандықтарды амбулаториялық дәрілік қамтамасыз ету үшін тізімдегі 494 атаудан дәрілік заттар мен медициналық мақсаттағы бұйымдардың 430 атауы сатып алынды. Тұтастай алғанда, Бірыңғай дистрибьютордың тізімі бойынша амбулаториялық және стационарлық дәрілік қамтамасыз етуге арналған 1040 атауы сатып алынған, ол жалпы қажеттіліктің 95%-ын құрайды. Сатып алынбаған препараттар бойынша тендер жарияланып, өтінімдері бар конверттерді ашу 28 наурызда өткізілді, сәуірде қорытындысы шығарылады.

http://syrboyi.kz/zedelnews/19508-tegn-drmen-amtamasyz-etu-baylanys-ortalyy-ske-osyldy.html

6-04-2018, 13:26

Жүзім қан айналымын қалыпқа келтіреді

Жүзім қан айналымын қалыпқа келтіреді

Жүзім ағзаны токсиндерден тазартады және жасартатын қасиетке ие. Жүзім - тек дәмді ғана емес, сонымен қатар пайдалы өнім. Адамзат жүзімнің емдік қасиетін көп жылдар бұрын пайдалана білген.

 

Жүзім адам ағзасына қажетті А, В,С дәрумендеріне, калий, кальций, темір, фосфор сияқты минералдарға және протеиндерге бай. Бұл жемісті көптеген аурулардың алдын алу үшін пайдалануға болады. Ол тыныс алу жолдары мен өкпенің жағдайын жақсартатындықтан демікпе кезінде пайдалы. Жүзім қан құрамындағы азот оксидін ұлғайтып, қанның ұйып қалуына жол бермейді. Осылайша жүрек талмасын болдырмауға септігін тигізеді. Жемістің бұл түрі сондай-ақ, іш қатқанда, ас қортылмай қалғанда аса қажет.

 

Ақ жүзімнің сөлі ағзаны темірмен байытып, шаршауды басса, қызыл жүзім сүт безінің қатерлі ісігін болдырмайды. Жүзімнің бұл түрі антибактериалдық әсерімен танымал. Кез-келген инфекциядан қорғайды. Бір қызығы қартайғанда пайда болатын көптеген дерттерді осы жемістің көмегімен жеңуге болады екен. Мысалы, оның құрамындағы флавомоиттар көздің көру қабілетін жақсартады.

 

Артық салмақтан арылғысы келетіндерге жүзімді көбірек жеген дұрыс дейді диетолог мамандар. Өйткені ол зат айналымын ретке келтіреді. Зәр шығарғыш қасиетінің арқасында бүйрегінде тасы бар адамдарға да тигізер пайдасы көп. Ал, қант диабеті мен асқазан жарасы кезінде жүзімнен бас тартқан жөн.

 

Жуырда американдық ғалымдар қара жүзім шырынының жүрек ауруларына қарсы антикансерогендік ықпалы барлығын растады. Қара жүзім шырынының қан бөгелуіне де қарсы қасиетке ие екенін анықтаған. Джорджтоун университеті ғалымдарының бірі дәрігер Жан Е. Фридман екі апта бойы жиырма адамға күніге екі кеседен күлгін жүзім шырынын берген. Нәтижесінде қандағы Е дәрумені 13 пайызға, қан плазмасының жалпы антикансероген мөлшері 50 пайызға артқан. Бұған қоса, тексеруге алынғандарда қандағы бөгелменің яғни варикоз ауруының анағұрлым реттелгендігі анықталған.

baq.kz

5-04-2018, 04:34