ЭКҰ-ға квотаны қалай алуға болады?

Қазақстан бұрынғы Кеңес одағы елдері ішінде осы бағытқа квота бөлетін екінші мемлекет. Елімізде 6 жыл ішінде экстракорпоральды ұрықтандыру әдісін қолдану арқылы 10 мыңдай бала дүниеге келген. Ал біздің бүгінгі бағдарлама кейіпкері 6 жылдан соң үшемді дүниеге әкелді.

 

Жалпы осындай әдіспен бала сүюдің тиімділігі қанша жаста жоғары?

Мамандар не дейді?

Экстракорпоральды ұрықтандыру мәселесібойынша мемлекет тарапынан квотаны қалай алуға болады?

Ол кімдерге берілуі тиіс?

Дереккөз:http://24.kz/kz/telepoject/meditsina/item/157134-ek-a-kvotany-alaj-alu-a-bolady


8-01-2017, 13:44

Міндетті медициналық сақтандырудың маңызы

Міндетті медициналық сақтандырудың маңызыМемлекеттің басты байлығы - адам. Сондықтан халық денсаулығын жақсарту маңызды міндет саналады. Бұл ретте Елбасы ұсынған «100 нақты қадам» Ұлт жоспарындағы міндетті медициналық сақтандырудың маңызы зор.

 

«Қазақстан-Қызылорда» телеарнасының 2017 жылдың 5 қаңтарындағы хабары.

Дереккөз: http://kyzylordatv.kz/kz/news/medicine/mindetti-medicinalyk-saktandyrudyn-manyzy


5-01-2017, 18:06

ОТАНДЫҚ ДӘРІГЕРЛЕР КОРЕЯДА ТАҒЫЛЫМДАМАДАН ӨТТІ

«Болашақ» бағдарламасы 18 отандық дәрігерге Оңтүстік Кореяда біліктілігін жетілдіруге мүмкіндік берді. Олар 2 ай бойы Сеулдегі ең озық емханаларда тағылымдамадан өтті.

 

ЕЛДОС СМАЙЫЛОВ, ХИРУРГ-ОНКОЛОГ:

Семейге барысымен осы жинаған тәжірибемді іс жүзінде қолданып көремін. Әсіресе, лапороскопиялық операцияларды жасау барысындағы тың технологиялары таңқалдырды. Бұдан былай, мұндай әдістерді өз елімізде де жүзеге асыратын боламыз. Екі елдің хирург-онкологтары арасындағы басты айырмашылық – жасайтын операцияның көлемі мен күрделілігінде. Яғни, кореялық дәрігерлер бір ғана ағзаға операция жасап, сол бағыттағы ізденісін тереңдете береді. Ал отандық мамандарды әмбебап деуге болады. Бұл хирургтардың жетіспеушілігіне де байланысты. Осы тығырықтан шығудың жолы ретінде дәрігерлер шетелде тәжірибе жинап, тағылымдамадан өтті.

 

КИМ ГОН СУ, МЕДИЦИНАЛЫҚ ОРТАЛЫҚТЫҢ АТҚАРУШЫ ДИРЕКТОРЫ /КОРЕЯ/:

Қазақстан дәрігерлерімен жұмыс жасап келе жатқанымызға 4 жыл болды. Осы аралықта 150 маман біліктілігін жетілдірді. Оның ішінде хирург, терапевт пен урологтар бар. Бұған қоса, бізде Үндістан, Филиппин, Ресей және басқа да елдердің дәрігерлері тәжірибе жинауға келеді. Қазақстандық әріптестеріміз жоғары жауапкершілігімен және қабілеттілігімен ерекшеленеді.

Елдос Смайылов «Болашақ» бағдарламасымен шетелде тәлім алу үшін Астанада арнайы тест тапсырды. Бұған қоса, қазақ тілінен сынақ пен психологиялық іріктеуден өтті. Осылайша, ол 80 хирургтің арасынан таңдалған төртеудің бірі болды. Жалпы биыл 700 адам «Болашақ» стипендиясының иегері атанды. Оның 24-і – дәрігер.

 

Қосымша ақпарат алу үшін:http://kazakh-tv.kz/kz/view/news_kazakhstan/page_179444_otandyk-darigerler-koreyada-tahylymdamadan-otti


4-01-2017, 15:02

Тәуелсіздіктің 25 жылдығында ақ халаттылар марапатталды

Тәуелсіздіктің 25 жылдық мерей тойын аймағымыздың ақ халатты абзал жандары да айрықша атап өтті. Мерекелік шарада «Қазақстан Республикасы Тәуелсіздігінің 25 жылдығы» медалімен 18 адам марапатталса, ҚР Денсаулық сақтау және әлеуметтік даму министрлігі тарапынан 5 дәрігер «Еңбек ардагері» медалін кеудесінен тақты. Сондай-ақ тағы бірнеше маман облыс әкімінің Құрмет Грамотасы мен Алғыс хаттарына ие болды. Еліміз Егемендік алған ширек ғасыр ішінде қандай белестерге көтерілсе, бұл биікке жетуде дәрігерлердің сіңірген еңбегі орасан. 25 жыл ішінде мемлекетіміздің денсаулық саласа елмен бірге жасасып, дами түсті. Оның ішінде Сыр өңірінің медицинасы да қарыштап дамып, көптеген оталарды өз жерімізде жасай алатын дәрежеге жетті. Аймақ тұрғындарының өмір сүру жасының ұзақтығы да артып, орта жас 72 жасты құрады. Тәуелсіздіктің 25 жылдығын осындай жетістіктерімен қарсы алған дәрігерлерді құттықтаған облыс әкімінің орынбасары Руслан Рүстемов, облыс әкімінің Құрмет Грамотасы мен Алғыс хатын бірнеше дәрігерге табыс етті. Тәуелсіздік тұсында облыстың денсаулық сақтау саласында да көптеген өзгерістер мен жаңару болды. 1998 жылы облыстағы ең айтулы кезең Ел Басы өз қолымен – облыстық медицина орталығын ашты. 2005 жылы саланы қаржыландыру 6 жарым млрд теңге болса, 2015 жылы 32 млрд теңгеге дейін, яғни 87 пайызға өскен. Осы жылдар аралығында 119 нысан жаңадан пайдалануға беріліп, 311 нысан күрделі жөндеуден өткізілсе, емдеу мекемелері санитарлық автокөліктермен толық жарақтандырылған. Осы істердің басы-қасында жүрген денсаулық сақтау басқармасының басшысы Ақмарал Әлназарова әріптестерін құттықтап, тағы да бірнеше маманды марапат мінберіне көтерді. Облысымызда 2009 жылы кардиохирургиялық орталық, 2013 жылы Нейроинсульттық орталық ашылды. 2009 жылы санитарлық авиация жұмысы жанданды. Үлкен орталықтардан ана мен бала, облыстық балалар ауруханасы іске қосылды. Сондай-ақ , аудандардағы емханалар түгелдей жаңартылды, жыл аяғына дейін Жаңақорған аудандық емханасы мен 11 дәрігерлік амбулатория өз жұмысын бастайтын болады. Бұлардың барлығы тек Тәуелсіздіктің арқасында қол жеткен толағай табыстар.

 

http://kogamtv.kz/t%D3%99uelsizdikti%D2%A3-25-zhyldy%D2%93ynda-a%D2%9B-xalattylar-marapattaldy/


 

22-12-2016, 13:07

Қазақстан мен Израиль дәрігерлері тәжірибе алмасты

Қазақстан мен Израиль дәрігерлері тәжірибе алмастыҚазақстан мен Израиль мемлекеттерінің ынтымақтастығы аясында медицина қызметкерлері тәжірибе алмасты. Президент Іс Басқармасының Медициналық орталығында екі елдің дәрігерлері бірлесіп 2 науқасқа операция жасады. Қазақстандық ақхалаттылар медицинасы әлдеқайда дамыған Израиль елінің мамандарынан тәжірибе жинап, күрделі емді бұдан былай өздері де жасайтын болады. Эйтан Вайнштайн, Тель-Авив стоматологиялық клиникасының бас дәрігері: - Қазақстандық әріптестермен байланысымыз бүгіннен басталып тұрған жоқ. Осыған дейін бес бірдей қазақстандық дәрігер менің клиникамда тәжірибеден өтті. Енді бұл жолы өзім келіп мұндағы жағдаймен таныстым. Біз өзіміздің бүкіл тәжірибемізді беріп кетуге тырысамыз.


Источник:http://24.kz/kz/zha-aly-tar/o-am/item/153700-aza-stan-me

www.24.kz


15-12-2016, 20:42

Денсаулық сақтау саласында нендей өзгеріс бар?

Аймақ фармацевтерін қайта даярлап, білімін жетілдіру үшін 2018 жылға дейінгі жол картасы әзірленді. Өтіп бара жатқан жылдың еншісіндегі тағы бір жағымды жаңалық – облысқа қажетті медицина мамандарын резидентураға дайындау мақсатында облыс әкімінің гранты бөлінді.

 

 

«Қазақстан-Қызылорда» телеарнасының хабары. 12 желтоқсан 2016 жыл

Сілтеме: http://kyzylordatv.kz/kz/news/society/densaulyk-saktau-salasynda-nendei-ozgeris-bar


12-12-2016, 19:22

Емханаларға электронды кезек енгізілді

Орал қаласының емханаларына қарашадан бастап «Электронды кезек» жүйесі енгізілді. Осылайша емдеу мекемелеріндегі ұзын-сонар кезек азайтылмақ. Шаһардағы 6 емхананы ақпараттық табло, терминал, тиісті бағдарламалармен қамтуға, қызметкерлерді оқытуға бюджеттен 143 млн теңге бөлінген. Енді қабылдауға алдын ала жазылғандар, сырқаттанып шұғыл келгендер немесе қайта қаралушылар қай уақытта дәрігерге бару керек екенін осы жүйе арқылы анықтайды.


www.khabar.kz


30-11-2016, 14:44

Азаматтар денсаулығына дер кезінде мән бермейді

Азаматтар денсаулығына дер кезінде мән бермейді. Ауру асқынып, ем іздегенде ғана дәрігерге көріну қазір көпшіліктің әдетіне айналған. Осы қасаң түсінікті түзетіп, денсаулықтың қадірін арттыру мақсатында Алматыдағы "Сана" медицина орталығында ашық есік күні өтті. Ал келушілерді Қазақ үздіксіз білім беру институтының профессорлары қабылдады.

 

Бір күн бойы "Сана" медициналық орталығы келушілер үшін тегін қызмет көрсетуге көшкен. Арнайы ашық есік күнін белгілегендіктен дәрігер кеңесіне жүгініп, тексерістен өтуге ниеттілер көп. Жүздеген адам алдын-ала жазылып та қойыпты. Бұл акцияны орталық тәуелсіздік мерекесіне орай өткізіп жатыр екен.

 

АИДА АЛЕКСЕЙҚЫЗЫ, "Сана" медициналық орталығының бас директоры:

- Тегін өткізіліп жатыр. Біз алдағы уақытта осы профессорлардың жұмыс уақытын қойып, емделушілер өздері тұрақты түрде келіп, көріне алатындай жағдай жасасақ деп отырмыз.

 

Дәрігер профессорлар қазір бұрынғыға қарағанда, ауруды емдеудің жолдары көбейгенін айтады. Бірақ бұл тұрғыда сала дамығанымен, статистиканы денсаулыққа бей-жай қарайтындар бұзады. Яғни, темекі шегу, алкагольге құмарлық, стресске түсу фактілері кез келген аурудың пайда болып, қозуына әкеледі. Сондықтан қарапайым медициналық сауаттылық деңгейін көтеру керек дейді кардиохирург маман.

 

ҚУАТ АБЗАЛИЕВ, Медицина ғылымдарының докторы, профессор:

- Бізде кардиорталықтар қатары көбейіп, емдеу мен аурудың алдын алудың түрлі әдістері дамуда. Алайда аурулардың саны әлі сол деңгейде тұр. Халық болса, жаппай спортпен шұғылданбайды.

 

МАНАС ҚАЙЫРТАЙ, Тілші:

- Педиатрлардың айтуынша балалар арасында туғаннан пайда болатын ауру түрлері көбейген, ал ересек адамдар аурудың алғашқы белгілері пайда болғаннан-ақ дәрігерге көріне салмайды екен. Ал сақтанудың ең алғашқы жолы - жылына кем дегенде бір рет толық медициналық тексерістен өту керек.

 

 

Манас Қайыртай, Сергей Шуйский

 


29-11-2016, 20:47

4-5 жастағы бүлдіршіндер арасында қант диабетіне шалдыққандар көбейген

Khabar News

 

Оларды дәрі-дәрмекпен қамтуда, ем көрсетуде көлденең кедергілер жоқ десе болады. Тек аурудың жасарғаны көңілді күпті етеді. Мәселеге Ердәулет Байдуллаев үңіліп көрді.

Ердәулет Байдуллаев, тілші

-Міне, маман көрсеткендей, қандағы қант құрамын сырт көзбен қарап, анықтау мүмкін емес. Ол үшін сынама ретінде қан тапсырып, арнайы құрылғыға тоссаңыз болғаны 5 секундта нақты нәтижелерін көрсетіп береді.

Иә, нәтиже көп күтірмейтіні жақсы. Бірақ бізге керегі ол емес. Оның алдын алуға ден қойып, қант диабетіне шалдығушылар қатарын азайту. Әзірге бұл мүмкін болмай тұр.

Гүлмира Әбдуақасова, Астана қаласының штаттан тыс бас эндокринологы

-Осыдан 20 жыл бұрын балалардың қант диабетіне шалдығу фактісі бірнешеу ғана болатын. Қазір қалай? Былтыр 120 бала болған. Осы жылы 150-ден асты. Ең қорқыныштысы, олардың кейбірі – 5 жаста. Ағзасы қантты өздігінен қорыта алмағандықтан қанда оның мөлшері көбейіп кетеді.

Сырқаттың шипасы да жоқ емес. Бірақ сауығу үшін барлық талапты орындау қажет. Бірінші кезекте, майлы тамақ пен газдалған сусындардан бас тарту, ал рұқсат етілгеннің өзінде мөлшерден артық тұтынбау керек. Бұл маман кеңесі.

Жанай Ақанов, С.Асфендияров атындағы ҚазҰМУ-нің диабет орталығының директоры

-Қант диабеті негізі медициналық мәселе. Онымен ауыратындар көбейіп, ол кейін әлеуметтік тіпті экономикалық мәселеге айналды. Өйткені әр науқас қаншама дәрі-дәрмек тұтынады. Осыдан он жыл бұрын ғана елімізде мұндай сырқаттар 116 мың болатын. Осы жылы олардың қатары екі жарым есеге көбейді.

Нақтырақ айтсақ, қазір 290 мыңға жуық отандасымыз осы қант диабетіне шалдыққан. Бұл Орталық Азия бойынша өте үлкен көрсеткіш.

Авторлары: Ердәулет Байдуллаев, Айтжан Отызбаев

14-11-2016, 16:04