Бүгінгі таңда отандық медицинаға 6 мың дәрігер қажет

Бүгінгі таңда отандық медицинаға 6 мың дәрігер қажетАстана. 23 қыркүйек. Baq.kz – Әсіресе бұл саладағы маман тапшылығы бас шаһарда ерекше байқалады. Жаңа емханалар бой түзеп, ауруханалар көбейгенімен, дәрігерлердің саны артпай отыр.  
Қазірдің өзінде Астанадағы медициналық мекемелерде 900-дей дәрігердің орны бос тұр. Денсаулық сақтау басқармасы мамандарының айтуынша, бұл олқылықтың орнын толтыру мақсатында бірқатар шаралар қолға алынғанымен, мардымды нәтиже жоқ.
Мәселені түпкілікті шешу үшін Еуропадағыдай жалпы отбасылық дәрігерлерді дайындау қажет екен. Бүгінде ақ халаттылардың жалақысы төмен.
 
Фаддей Майзельс, ҚР Денсаулық сақтау қызметкерлері кәсіподағы төрағасының бірінші орынбасары:
- Қазір медицина қызметкерлерінің жалақысы көңіл көншітпейді. Бақандай 20 жыл қызмет еткен дәрігердің айлығы 50 мың теңгеден аспайды. Әрі үй-жаймен де қамтылмайды. Сондықтан басқа саладан нәпақа іздеп кететіндерде жоқ емес.
 
Хабар
http://khabar.kz/kz/zha-aly-tar/o-am/6254-b-gingi-ta-da-otandy-meditsina-a-6-my-d-riger-azhet



23-09-2014, 13:51

Қызылорда облысында құтырма белгілері бар адам анықталды

 Қызылорда облысында құтырма белгілері бар адам анықталдыҚызылорда облысы Қазалы ауданында құтырма белгілері бар адам анықталды. Кәукей елді мекенінің тұрғыны қасқырға жем болған сиырын сойып, оның сүйегіне қолын жарақаттап алған. Сөйтіп ауруханадан бірақ шыққан. Ал бұған дейін малшы бұл етті ауылдың 14 тұрғынына сатқан. Олар да қазір құтырма жұқтыруы мүмкін деген есепке алынған.

Арзықали Әлиұлы жыртқыш аңға таланған сиырын  бауыздап жатқан уақытында сүйек жаңқасы қолына кіріп кетіп, зақымдап алады. Жарақат алған қолының қолтық безі шошып, ыстығы көтерілген соң дәрігерлерге көрінеді. Ал ақ халаттылар одан құтырма белгілерін анықтап, арнайы екпе егеді. Бүгінде науқастың жағдайы бір қалыпты.

АРЗЫҚАЛИ ӘЛИҰЛЫ, науқас:
Аудандық аурухананың дәрігерлері толық тексеріп, барлық емін жасап, антибиотигін екті. Барлық жағдайын жасады. Рахмет дәрігерлерге. Қазір жақсымын.

Құтырмаға күдікті науқастың өз малының етін 14 адамға сатқаны да белгілі болып отыр. Олар да бүгінде дәрігерлердің жіті қадағалауында. Өйткені ауру ас қорыту жолдары арқылы да жұғуы мүмкін деген  қауіп бар.

БАҒДАГҮЛ ЖАНҰЗАҚ, тұрғын:
Етті біз алдық. Қақтап тұздаған өзім. Тағамдар жасап жедік. Халықтың, елдің адал малы ғой. Сондықтан алдық, пайдаландық. Тексеруден өттік, бәрі жақсы.

Әзірге бір малдың етін жеген ауыл адамдарынан айтарлықтай белгілер байқалмады. Бірақ құтырма дертінің ұзақ уақыттан кейін де қылаң беруі әбден мүмкін дейді мамандар.

ОРАҚ КЕУБАСОВ, дәрігер-инфекционист:
Ол ауруларға профилактика жүргізіп жатырмыз. Бірақ медицинада 100 процент ешқандай кепілдік берілмейді. Себебі құтыру ауруының инкубациялық уақыты бір жылға дейін созылады. Бір жылдың ішінде ол аурудың денсаулығына байланысты, иммунитетіне байланысты, сосын жарақатының қай жерде орналасуына байланысты әр уақытта ауру шығуы мүмкін.  

Бұл жолы Арзықали Әлиұлын да, ауылдастары  аман қалды. Бірақ қауіп  жоқ емес. Өйткені күз айларында қасқыр атаулы бөлтірігін ертіп, малға жиі шабатыны белгілі. Ал жыртқышқа жем болған ірі-қарасын ысырап болмасын деп сататын малшыларға ешкім тосқауыл бола алмайды.
 
-    See more at: http://www.31.kz/video/show/id/4063/model/Video/show/vi#sthash.A56s76ht.dpuf



19-09-2014, 19:08

Қызылорда облысында 33 мұнайшы уланып қалды

Қызылорда облысында 33 мұнайшы уланып қалды Өздерін жайсыз сезініп, ауруханаға жеткізілген «Арысқұм» кенішінің мұнайшыларына гастроэнтерит (ішек жұқпасы) деген диагноз қойылған. Әзірге олардың неден ұшынғаны белгісіз. Жұмысшылар әдеттегідей барлығы бір асханадан ас ішкендерін айтады.
 
Қаракөз Балабекова, облыстық жұқпалы аурулар ауруханасының бас дәрігері: - Бүгінгі сағат 10:00-дағы жағдайлары орташа деуге болады. Әлде де әлсіздік бар. Жиі дәретке барулары байқалады. Дене бұлшықтары, бастары ауырып, улану белгілері сақталуда. Дәрі-дәрмек жеткілікті. Барлық эпидемиологиялық жағдайларға қарасты шаралар жасалынып, ем жасалуда.
 
Ғалымжан Қуантаев, емделуші: - Нақты неден екенін біле алмай жатырмыз. Күнделікті жеп жүрген тамақ. Мұндай жағдай бірінші рет болып тұр.

Источник: http://24.kz/kz/zha-aly-tar/ajma-tar/item/25737-yzylorda-oblysynda-33-m-najshy-ulanyp-aldy



15-09-2014, 23:19

Құтқарушылардың төтенше жағдайға дайындығы пысықталды

Құтқарушылардың төтенше жағдайға дайындығы пысықталды Өскеменде «Жер – 2014» республикалық командалық-штабтық оқу-жаттығуы өтуде. Онда Шығыс Қазақстанда болуы мүмкін жер сілкінісінің салдарын жою әрекеттері пысықталды. Құтқарушылар тұрғындарды баспаналарынан шығарып, оларды орналастыру үшін шатырлы лагерлер тұрғызды. Жараланғандарға медициналық алғашқы көмек көрсетіліп, халыққа киім-кешек, азық-түлік таратылды.
Құтқарушылар барлығын рет-ретімен, жедел орындап, төтенше жағдайға дайын екендіктерін көрсетті. Мұндай оқу-жаттығу республиканың сейсмикалық аймақтарында 3 жылда бір рет өткізіледі. Ал Шығыс Қазақстанда бұл шара тұңғыш рет ұйымдастырылды.
 
Евгений Шатурный, ШҚО ТЖД бөлім басшысы: - ШҚО-да жер сілкінісі болуы мүмкін деген дабыл соғылды. Белгі берілісімен оқиға орынына лдің барлық аймағынан құтқарушылар мен жергілікті атқарушы органдар келді. Қазіргі уақытты бұл оқу-жаттығуға жеке құрамдағы 753 адам және 193 техника бірлігі жұмылдырылды.

Источник: http://www.24.kz/kz/zha-aly-tar/t-tenshe-zha-daj/item/25200-t-arushylardy

 


13-09-2014, 15:25

Калачи ауылындағы адамдарды тағы да ұйқы қыса бастады

Ақмола облысы, Калачи ауылындағы адамдарды тағы да ұйқы қыса бастады. Індет жайлаған ауылда соңғы күндері бір мезетте 8 бала мызғып кеткен. Ең қорқыныштысы, ойнап жүрген жерінде қалғып кеткен оқушылар оянғаннан кейін өздерін біртүрлі ұстап, құлай бастаған. Шошынған ата-аналары балаларды төсекке байлап қоюға мәжбүр болыпты. Бүкіл ауылды тағы да дүрліктірген дерттің емі бар ма? Калачи ауылы картадан жойылуы мүмкін бе? Астаналық әріптестеріміз анықтап көрген еді.

Ақмола облысына қарасты Калачи ауылына жұртты жаппай ұйықтатып тастайтын түсініксіз дерт осыдан үш жыл бұрын келген. Содан бері 600-дей тұрғыны бар елдімекенде 60-тас астам адам осы қауіпті індетке шалдығыпты. Айта кетерлігі, адамды аяқ астынан қалғытып жіберетін ауру жас талғамайды екен. Ауырғандар арасында 2 жастағы сәби де, сексеннің сеңгіріне шыққан қарттар да бар. Ал осы қыркүйектің басында алғашқы қоңыраудан шыққан 8 бала ойнап жүрген жерінде қалғып кеткен. Балалар өздерін белгісіз бір күш келіп құлатып кеткендей көрінді деп қорқады. Аяқтарынан тұра алмай, есінен адасқандай күйге түскен сәбилер бірінен кейін бірі құлаған.

АНДРЕЙ КУХТА, Калачи ауылының тұрғыны:
Я стал вот так вот. Меня шатала. Мама меня положила на кровать. Патом Паша зашел. Он тоже не в сознаний. Не был в сознаний. Только его как меня шатала. Кружила.

Андрейдің өзі ұйқыдан бір күннен кейін оянса, тоғыз жастағы бауыры екі тәуліктен кейін ғана есін әрең жиыпты. Ең қорқыныштысы, дәрігерлер қолды-аяққа тұрмай, шырқыраған баланы төсекке таңып қоюға мәжбүр болған. Қос ұлының адам аярлық күйге түскенін көрген анасы жұмбақ сырқат жайлаған ауылдан көшіп кеткісі келетінін айтады. Өйткені, қауіпті дерт жыл өткен сайын асқынып барады дейді.

ЕЛЕНА КУХТА
, Калачи ауылының тұрғыны:
Симптомы страшнее еще стали. Раньше люди заснули и проснулись. А потом начилось галюцинаций, не адекватоност. Дети агрессивные, буйность. Агрессия страшная. Моего ребенка привязали к кровати. 9-летнего. Что бы успокоить.

Аяқ астынан апыр-топыр болып, қалғып кетуден жүректері шайлыққан калачиліктер ақырындап ұйқы басқан ауылдан көшіп жатыр. Алайда, көбісінің қоныс аударуға жағдайы жоқ. Ал қауіпті дерттің қайдан шыққанын анықтауға келіп жатқан сансыз комиссияға сенбейтін болған. Өйткені, сан рет келіп сараптама жасаған мамандар жұрттың жаппай қалғуының себебін әлі күнге тапқан жоқ. Жағдайдың ушыққанын естіген радиологтар енді ауылдағы топырақ пен су, ауа құрамын зерттеп жатыр.

ВИТАЛИЙ РОМАНЕНКО, Ұлттық ядролық орталықтың маманы:
Біз қазір бұл ауру мүмкін ауа болмаса су арқылы тарайтын деген нақты болжам жасай алмаймыз. Сондықтан қазір су мен ауадан, топырақтан сынама алдық. Тұрғындарды қалғытып жатқан не нәрсе екенін сараптама қорытындысы шыққаннан кейін ғана айта аламыз.   

Яғни, Калачи ауылындағы ұйқы ауруына сараптама жасауға өзге өңірден 12 маман келген. Қорытындысы қыркүйектің ортасынан кейін дайын болуы тиіс. Алайда, тұрғындар аурудың ошағы ауыл шетіндегі бұрын уран өндіріп, қазір қаарусыз қалған кеніште деп болжайды. Сондықтан денсаулық министрлігінен келген комиссия жұмысы ауыл жұртының бойындағы мезгілсіз ұйқы мен үрейді сейілте алмайтын секілді.

Гүлбану Әниятқызы, Нұркен Тоқмурзин.  
- See more at: http://www.31.kz/video/show/id/3890/model/Video/show/vi#sthash.tJN8JdrA.dpuf



10-09-2014, 20:08

Құтырма ауруына шалдыққан әйел қайтыс болды

Қызылордада құтырма ауруына шалдыққан әйел қайтыс болды.  Алдын- ала болжам бойынша қауіпті дертті науқас жабайы мысықтан жұқтырған.

Ажал құшқан адам қала іргесінде Қоғалыкөл елді мекенінің 40 жастағы тұрғыны. Қауіпті кеселге ұшырамас бұрын ол  соңғы бір жарым ай көлемінде иесіз жануарды асырап алғаны белгілі болды. Кейін есігінің алдынан мысықтың өлі денесі де табылған. Ауруы асқынған азаматша бүгін ауруханада жан тапсырды.

ҚАРАКӨЗ БАЛАБЕКОВА, облыстық жұқпалы аурулар ауруханасының бас дәрігері:
Күдік мысықтан деп отырмыз. Бірақ қорытынды диагноз паталоганатомдық сараптама дайын болғаннан кейін қойылады.
 
- See more at: http://www.31.kz/video/show/id/3874/model/Video/show/vi#sthash.8cHmsNxP.dpuf


8-09-2014, 22:24

Түрлі емдік қасиеттері бар өсімдік саудаға салынды

Шиеліліктер қызыл мия тамырының келісін 10 теңгеден сатып пұлдайды. Ал пысқай кәсіпкерлер оны Қытайға жоғары бағамен жөнелтетін көрінеді. Жергілікті шенеуніктер мен табиғат қорғау органдары болса, қауқарсыздық танытып отырғандай. Ақ жағалылар түсіндірме жұмыстарын жүргізіп, ықпал жасап отырмыз дейді.
Қызылорда облысы Шиелі ауданындағы Алмалы, Жөлек және Бала би ауылдарының тұрғындары  қызыл кітапқа енген қызыл мияны аяусыз отап, сатып жатыр. Дертке дауа болатын қасиетт іөсімдіктің тамырын жұлып, саудағ ашығарған жұрттың басқа табысы жоқ. Өйткені ауылдард ажұмыссыздық дендеген.
 
Бибігүл Орманова, ауыл тұрғыны:
Бір жылдан кейін бастығы ауысып еді өзінің адамдарын алды да баламыз қазір жұмыссыз қалды. Мия да тереді арасында, қайтеді енді?
 
Темірбек Нарымбетов, ауыл әкімі:
Ықпал жасағанда біз ардагерлер кеңесі төрағасы бар, ардагерлер бар, мал шаруашылығымен айналысып отырған жігіттер бар ел болып жиналып өткен жолы келістік. Отауғаболмайдыдепауылішіндеөзімізшешіпжатырмыз.
Қызыл мия - түрлі емдік қасиеттері бар өсімдік. Оның тамырынан жүрек, бауыр, өт жолдары, асқазан ауруларына шипа болатын дәрілік заттар дайындалады. Бірақ соңғы кезде өсімдіктің азайып бара жатқандығын былай қойғанда соңғы уақытта оны трактормен келіп, тамырымен қопаратындар көбейген.  Табиғат қорғаушылардың айтуынша мұндай бассыздық жердің құнарлы қабатының эррозияға ұшырауына әкеледі.
 
Айбек Жолаханов, Қызылорда облыстық орман, аңшылық шаруашылығы аумақтық инспекциясының бас маманы:
Жердің сорлануына әкеп соқтыруы мүмкін. Сонымен қатар басқа да өсімдіктер әлемінің жойылуына әкеп соқтырады.
Түрлі медициналық препаратқа қажетті шикізат бола алатын қызыл мия тамырын өңдейтін зауыт өңірде енді салына бастады. Ал әзірге бұл өсімдік еш бақылаусыз шетелдерге асып кете бермек.
 
Гүлназ Бисен, Мұхамеджан Аяпбергенов.
- See more at: http://www.31.kz/video/show/id/3186/#sthash.DtQVMDwe.dpuf


5-09-2014, 22:20

Сал ауруының емі бар

Бүкіл әлем мамандары қанша жерден бас қатырса да, «емі жоқ» деген сал ауруын жеңуге болады екен. Оны Алматыда тұратын дәрігер Мақсат Әбдіқадыр дәлелдеді. Туғаннан айықпас дертке шалдыққан  көптеген адамның сірескен денесіне жан бітірген маман, құрал-жабдықтардың дерлігін өз қолымен жасаған.

Жасы төрт жарымға келсе де, өзі құралпы балалармен жарысып жүгірмеген, асыр сап ойнамаған Фариза Әділбекованы  қамкөңіл ата-анасының апармаған жері жоқ. Бірақ, дәрігерлер  ДЦП диагнозының  емі әлі табылмағанын айтып, көмектесе алмаған Фаризаға сал ауруын 15 жыл бойы  зерттеп жүрген Мақсат Әбдіқадыров  емдеудің жаңа тәсілін қолданып көреді. Еңбегі нәтижесіз емес. Бар болғаны екі айдың ішінде баласының аяқ қолына  жан біткенін көрген анасы,   әлі   өз көзіне өзі  сене алар емес.

Сал ауруының дауасын табу үшін жылдар  бойы  ізденіп, көз майын тауысып зерттеген   Мақсат Әбдіқадыртың емдеу  тәсілі де ерекше. Өзі құрастырған мынандай электронды тітіркендіргіштер арқылы жансыз ағзаны тірілтеді.  Сондай-ақ, ине салу, уқалау әдістерін қолданады.

Емделушілердің қарасы көбейгендіктен,  ғимарат жалдауыма тура келді дейді. Басым көпшілігі - балалар. Арасында тіпті, Ресей  мен Қытайдан қоңырау шалып, келіп жатқандар бар екен.

ДЦП деген дүниежүзі бойынша, емі  жоқтың  қасында деп есептелінеді.  Әзірге  200 науқасты емдедім осы  дцп  балалардан. Екі жүздің ішінде  17-сі жазылды. Нәтижесі жақсы.  Сөйлей алмағаны сөйледі. Отыра алмағаны отырды.

Дәрігердің айтуынша,  электронды тітіркендіргіш құралдары барлық  науқасқа  бірдей әсер етпейді. Жас шамасына  байланысты екен.
 
 Неғұрлым ертерек емделсе, ем соғұрлым жақсы қонады. Өкініштісі, орталыққа келушілердің 70 пайызы  ем қонатын қымбат уақытты жоғалтып алғандар.

МАҚСАТ ӘБДІҚАДЫР, дәрігер:
Баланың миы әдетте 8 жасқа келгенде  ересек адамдармен бірдей жетіледі. Сол себепті  алтын дәуір болып есептеледі. 8 жастан кейінде емдейміз. Бірақ өнімділі ондай жоғары болмайды.

Мүмкіндігі шектеулі жандарға арнап бір ғимаратты өз қаржысына жалға алып отырған дәрігер, ДЦП дертін емдеуге дәстүрлі медицина дәрменсіз екенін біле  тұра  енбегінің  еленбегеніне қынжылады. Егер мемлекет тарапынан қолдау болса, сал ауруларын оңалту жөнінен Алматының,  қала берді, Қазақстанның атын әлемде танытар едім дейді.

Мақсат Толықбай, Ринат Абулқайыров.
- See more at: http://www.31.kz/video/show/id/3765/#sthash.VmUNzITt.dpuf


4-09-2014, 22:18

Оңтүстік Қазақстан облысында 7 мың жасанды түсік жасалған (видео)

Оңтүстік Қазақстан облысында 7 мың жасанды түсік жасалған (видео)Өткен жылы бір ғана Оңтүстік Қазақстан облысында 78 мың нәресте дүниеге келген. Есесіне 7 мың жүкті әйел жатырындағы шарасыз шаранасымен қош айтысты. Оның бірі денсаулығына тікелей қауіп төнгендіктен жасанды түсік жасатуға мәжбүр болса, енді бірі шалыс басқан бойжеткендер. Дәрігерлер түсіндірме жұмыстардың арқасында бұл көрсеткіштердің соңғы жылдары 30 пайызға төмендегенін айтады. Дей тұрғанмен бала сүю бақытынан өз еркімен бас тартқан қаракөздеріміздің қаншасы бедеу болып қалғаны өкінішті.
Бұл - шарананың жүрек дүрсілі. Мониторда бойжеткеннің жатырында жатқан 7 айлық тіршілік иесінің дене пішіні анық көрінеді. Сәби бірқалыпты жетіліп келеді. Дәрігер мен анасының арасындағы әңгімеден кейін жаңа ғана минутына 120 рет соғып тұрған шарана жүрегі бір сәт тоқтап қалғандай болды. Себебі, жасанды түсік жасалмақ.

Өткен жылы Оңтүстік Қазақстан облысында 7 мың жасанды түсік жасалған. Оның басым бөлігі дәрігерлердің кеңесімен әйел өміріне қауіп төнгендіктен амалсыз жасалған қадам болып отыр. Ал, өмірде шалыс басып жүкті болып қалған қаракөздеріміз досқа күлкі, дұшпанға таба болғысы келмегендіктен осындай әрекеттерге барып жатқандығын айтады. Кейбірі ойланбай жасаған ісінің соңы бедеулікке соқтырып, бармағын шайнап отыр. Біздің кейіпкеріміз 32 жастағы Гүлнәр ойланбай жасаған әрекетімнің азабын енді тартып жүрмін, - дейді.

Гүлнәр, Шымкент қаласының тұрғыны:
- Қазіргі таңда жұмысқа тұру да оңай емес. Жас маман едім, жұмыстан айрылып қалам ба деп қорықтым. Жүкті әйелдерді жұмысқа алғысы келмейді. Сол үшін жасанды түсік жасатуға бардым. Ешкіммен ақылдаспай жұмысқа тұрғаныма қуанып, сондай қадамға бардым.
Уақыт өте келе, Гүлнәр жұмыста өз еңбегінің арқасында талай жетістіктерге жетті. Шені де өсті. Жағдайлары түзелген соң жалғыз ұлына серік болар сәби сүйгісі келді. Жарының да қалауы осы болатын. Алайда, бәрі кеш еді.

Гүлнәр, Шымкент қаласының тұрғыны:
- Екінші балаға жоспарлаған кезімде көптеген қиындықтарға кезіктім. Екінші көтерген балам іште өліп қалды. Одан кейін қанша емделдім. Үшінші баламда осы жағдай тағы қайталанды. Мен ойлаймын, сол қателігімнің азабы деп.
Қазір облыстағы барлық медициналық мекемелерде жанұяны жоспарлау кабинеттері жұмыс істейді. Акушер-гинекологтар жастарға Ана деген қасиетті ұғымынан айрылып қалмаудың қаншалықты маңызды екенін түсіндіреді. Өз ұрпағынан бас тартқан әйелдерге дәрігерлер әрдайым ақыл-кеңесін беріп бұл шешімінен бас тартуға үгіттейді. Соның арқасында өңірде жасанды түсік жасау саны азайған.

Салтанат Жабағиева, ОҚО денсаулық сақтау басқармасы басшысының орынбасары:
- Арнайы талдау жасалмаған. Көбіне 23-30 жас арасындағы және тұрғылықты мекенжайы жоқ, кей жағдайда студент қыз балалары арасында кездеседі. Мына әрбір бала тәрбиесі отбасынан басталады. Сондықтан, қыз бала ол біріншіден, отбасыға, оның ішінде, анасының үлкен ықпалы болады.
Атам қазақ «Қызға қырық үйден тыю» деген нақыл сөзді бекер айтпаса керек. Қандай қилы заман болса да құрсақ көтеріп көп балалы ана атанды. Отбасындағы береке-бірліктің арқасында аға буын өкілдері сол қиындықты жеңе білді. Ұрпағын ешкімнен кем қылмай өсірді. Тіпті, жесірін жылатқан жоқ. Бүгінгі медицина тілімен айтқанда, жасанды түсік жасатуға қай дін болмасын қарсы.

Александр Могилевский, Никольский кафедралды соборының протоиерейі:
- Шіркеу жасанды түсік жасатуға үзілді-кесілді қарсы. Өйткені, ол адам өлімімен пара пар. Әлі туылмаған сәбидің өмірін жалмау деген сөз. Нәресте Құдайдың жаратқан пендесі. Бұл бақыт барлығымызға беріле бермейді. Жаратушы әрбірімізге өмір сыйлап, тіршілік иесі етіп жан берді. Әлі дүние есігін ашпаған шақалақ іште жатып-ақ бәрін сезеді.
Ал, исламда бұл ұғым, тіпті харам болып саналады екен. Кейбір отбасы бір перзентке зар болып жүр. Сондықтан, ойнап жүріп от басқан жастардың жасанды түсік жасатпағаны дұрыс,-дейді мешіт қызметкерлері.

Мұхамеджан Естеміров, ОҚО имамының орынбасары:
- Бұл аборт мәселесі бұл дүние жүзінде қасіретті жағдайлардың бірі десек болады. Бір жылда стастистикаға сүйенсек, 300 мыңнан астам бала жарық дүниені көрмей кетеді екен. Іштегі болашақ адам баласы болғандықтан баланы алдырып тастау немесе дәрі егу арқылы медициналық жолмен түрлі тәсілмен алдыру, ол харам етілген. Қазір оңалту орталықтары ашылып жатыр. Шымкентте екі жерде ашылды. Басқа облыстарда да ашылып жатыр. Сондықтан баланы дүниеге әкелген дұрыс деп есептейміз.
Монитордан ішіндегі шаранасының қимылын көріп, жүрек қағысын естіген жас ананың қуанышында шек жоқ. Ол сәбиінің әрбір қылығын сезінеді. Содан рахат алады. Қазір болашақ ананың жүктілігі 14 аптадан асқан. Нәресте күн санап өсіп келеді. Егер дәрігерлер бойжеткенді дер кезінде өз ойынан бас тартуға көндірмегенде бұл шарана да жарық дүние есігін аша алмайтын еді.

Тілші: Қанат Жүнісбеков

Оператор: Нұрмахан Мұсатов

http://khabar.kz/kz/zha-aly-tar/o-am/4879-o-t-stik-aza-stan-oblysynda-7-my-zhasandy-t-sik-zhasal-an


3-09-2014, 10:10

Ауыл тұрғындары емханаға мұқтаж

Ауыл тұрғындары емханаға мұқтаж Ауыл-аймақ тұрғындары тұрақты түрде дәрігерге барып, тексерілуге құлықсыз. Басы ауырып, балтыры сыздаса да мал-жан, шаруасын тастап кете алмай, күйбең тірлікпен үйде емделіп жүре береді. Бұған «Денсаулық жолы» акциясы аясында Қызылорда облысының барлық ауданын аралап, скринингтік тексеруден өткізген мамандар көз жеткізді. Денсаулық керуені Қазалы ауданының ең шалғай Бекарыстан би ауылына табан тіреді. Жүрек қан тамыр, көз және қант диабеті ауруларын ерте бастан анықтау – негізгі мақсат. Дәрігерлер аурудың пайда болуына әсер ететін қауіпті факторларды анықтап, тексеруден дер кезінде өту керектігі жөнінде түсіндіру жұмыстарын жүргізді.

Толқын Мұхамбетқызы
, салауатты өмір салтын қалыптастыру орталығының скринингке жауапты дәрігері: - Бүгінге дейін Қармақшы, Сырдария, Жалағаш аудандарында өткізіліп келді. Керуенді өткізуге келген бригада құрамында окулист, кардиолог, эндокринолог және де скрининг дәрігер бар. Бекарыстан би ауылында 3 мыңға жуық тұрғын қоныс тепкен. Іргелес тағы бірнеше елді мекен жапсарлай орналасқан. Ауылдағы ағайын ауруханаға зар.

Болат Сәдуов, ауыл тұрғыны: - 1969 жылы мұнда 20 төсектік аурухана болатын, ол 75 койкіге дейін көтерілген. 2009 жылдан бері ешқандай аурухана жоқ. Көрші Түктібаев, Майдакөл, Бекарыстан би ауылдарын есептегенде 5,5 мыңнан астам халық тұрады. Оған бір аурухана керек. Ауыл тұрғындарының айтуынша, көбінің аудан орталығына қатынауға қалтасы көтермейді. Оның үстіне Сырдариядан өтетін көпір жоқ. Қалқымалы өткел қыс түсіп, мұз қата бастағанда алынып тасталады, сонымен қатынас тіпті қиындайды.

Құралай Бекжанова, ауыл тұрғыны: - Қыста келініміз босана алмай қатты қиналды, аудан орталығынан бригада, жедел көмек келгенше әбігерге түстік. Бірнеше төсектік аурухана ашылғанын қалаймыз. Бірнеше елді мекен тұрғындарына медициналық қызмет көрсеткен бұрынғы аурухана қазір құлаудың алдында тұр. Ауыл тұрғындары бірер жыл бұрын салынған емханадағы жалғыз дәрігерге кезекке тұрудан қажыған.

Авторлары: Қамбар Бекенов, Қанат Еңсебаев, Руслан Айтмамбетов

Источник: http://www.24.kz/kz/zha-aly-tar/densauly/item/22175-auyl-t-r-andary

 


25-08-2014, 09:34